ضوابط و قوانين قسم النادي الأهلي ..... نرجو الدخول للأهمية

**ahmed badr** الجمعة أبريل 08, 2011 10:06 am

بسم الله الرحمن الرحيم
أولا ً كلمة كدا نرجو الاهتمام با يكتب اي شئ مسئ للنادي الاهلي قبل القوانين يعني هاحذف المشاركات المسيئة للنادي الأهلي و كدا = إني هحافظ علي العلاقة مع الأعضاء لأني لما أحذف المشاركات المسيئة للأهلي مش هابقي باتنطط علي حد
لكن لقيت إن ما فيش حاجة مسيئة للنادي الأهلي هنا و الأكتر هو المسئ لنادي الزمالك
و بما إني بقيت المشرف يعني الحاجات بقت ف وشي أنا
يعني لما حد من الإدارة يلاقي حاجة وحشة مش هايكلم العضو اللي كتبها قبل ما يكلمني أنا لأنه مش حاططني زي قلتي
علشان كدا لازم يكون في ضوابط نمشي عليها كلنا و أنا أولكم و ربنا يعينا كلنا
1 - أكيد ما فيش حاجة مسيئة للنادي الأهلي تتكتب هنا
2 - أكيد برضو ما فيش حاجة مسيئة لنادي الزمالك هنا لأن دا إسمه قسم الأهلي مش كارهي الزمالك
3 - الأخبار أو الأراء اللي تتحط هنا تكون عن النادي الأهلي بس أي خبر أو رأي عن نادي الزمالك يتحط ف قسم الزمالك و أي حاجة عن أي نادي تاني تكون ف قسم الكرة المصرية
4 - الأخبار اللي تتحط يا ريت رابط مصدر الخبر ( الموقع الاخباري يعني ) منعا ً للغط بس
الأخبار اللي ليها مصدر يعني
لكن حد عايز يكتب رأيه ف حاجة أكيد من غير رابط يعني
5 - ياريت لو حد حب ينقل موضوع من موقع زي ويكيبيديا ما يعملوش كوبي و بيست و خلاص لأن المواضيع دي بتحتاج تنظيم
يعني المطلوب بإختصار الإحترام + النظام و دا ما يزعلش حد
علشان كدا رجاء ً ما تخلوش شكلي وحش قدام الإدارة و إلتزموا بالقوانين و هي مش صعبة
+
حاجة تانيه
عادة ً مواضيع القوانين بتكون مغلقة أنا مش هاقفل الموضوع دا علشان أي حد عايز يناقش حاجة من الضوابط اللي موجودة أو حاجة عايز يضيفها أنا تحت أمره
و أرجو إن الردود ما تكونش مباركة بمناسبة الإشراف الجديد اللي عايز يباركلي بيعتلي رسالة
و شكرا ً